I protagonisti della nostra terra

Fung’ … che pasion … ogni àn ai trövi nel sc'tés síit !

GianClaudio Lanini

Dopo una pìcola salidela in machina,
chi sora al Piàn da Magadín,
a ma fermi nel posc’teggio riservàad süla desc'tra dela sc’trada …
e vìa a pè … con un bèl ritmo …
e dopo un quàrt d'ora a caminàa in sü a védi un bel fung’ …
ma dato che a ga vedi mia bén in un raggio da quater  méter
u dovüüd guardàl do volt ..!

Eh si … oramai la gioventü l’è sc’capada via …
e in sétimàna a sarò dall'ocülisc'ta perchè a dovrò fàa la cataràta a un ög’ …
uhei che pagüra ..!

Ma dato che a cognosi ben chela brüga in salida
dopo un quàrt d'ora a védi già el prìm  fung’ … e pöö sübit un altro …
e con el mé cortelin e un sachèt a ma som fai una bela sc'corta ..!

Per un atim a trovavi mia i sentée giüsc't
e alora ò dovüüd rampigàa driz in sü
tacandom anca coi  màn e, malgrado i sc'carp con la söla sc'trütürada,
a scivolàvi indrè … süi sc'pìig di pìn … risc'ciando da borlàa giò !

L'era pericolòos per mi … con el sachèt di fung’ in man …
ma ò fai un raccolto da record perché iéra li vün visin a l'altro ..!

Dopo però o di basc’ta …
a ga n’eri già scià una bela piatàda in men da mez'ora ..!

Tüc’ contént in cà ..!

GianClaudio Lanini