Dialetto

Visiòn d’una matina ben solegiada

GianClaudio Lanini

A rìvi a Tendro … in riva al Làagh Magiòor

a vo giò al bagn püblich

 per vedée se  el livèl del’acqua l’è amò bàs 

dopo un mées e mez senz’acqua …

 A vedi diversi cigni che i gìra in gìir tra l’acqua e la sabia …

adasi adasi … insci … a sc’pàs … in lungh e in largh süla riva …

Mi ai guardi cercando da mia fai sc’tremìi …

perché senza i sc’caperà via per la sò sc’trada … 

ma lòor oramai i ma vìsc’t  e ié vegnüüd sübit  in direziòn da mi …

e i ma guardàad  con chi sò sc’trani  ög’ … puntàad  driz ai mè …

e i mé vegnüüd sempro püsée visìn … quasi come a vörée sc’fidam …

per un  momént l’attenziòn l’è calada

perché el cito cito l’è sc’tai disc’turbàad

dal rumòor di ond d’acqua che i bagna la sc’piàgia …

a dovevi guardàm ben da mia che i ma cagnava l’orlo di calzon …

Mi a dìi el vero a vorevi domà fàa  una foto

sota al sòo di vündes da matina

con, come sc’fond, el bleu sc’tupèndo del àagh

e giò la in fond la montagna del Ghiridòn …

amò quasi senza néev  benché a sem oramai al 17 da genàar del 2017 …

un quadro magnifich davanti al Locarnées …